Промпт
Prompt
AIʼга ёзадиган сўровингиз ёки топшириғингиз; қанчалик аниқ бўлса, жавоб шунчалик фойдали бўлади.
Промпт AIʼга ёзган ҳар қандай матнингиз: савол, буйруқ, топшириқ. Ўзбекчада сўров ёки топшириқ деса ҳам бўлади.
AIʼни жуда ақлли, лекин сизни умуман танимайдиган янги ходим деб тасаввур қилинг. У кимлигингизни, мақсадингизни, нимани ёқтиришингизни билмайди. Унга қандай тушунтирсангиз, шундай иш оласиз.
Яхши промпт одатда тўрт қисмдан иборат:
- Рол: AI ким бўлиб жавоб берсин, масалан, "тажрибали бухгалтер сифатида".
- Вазифа: сизга аниқ нима керак.
- Контекст: сиз ва вазиятингиз: бюджет, шаҳар, муддат, чекловлар.
- Формат: рўйхатми, жадвалми, қисқами, қайси тилда.
Мисол. Заиф промпт: "Бизнес режа ёз." Кучли промпт: "Мен Тошкентда кичик нон дўкони очмоқчиман. Бошланғич бюджетим 50 миллион сўм. Биринчи уч ой учун режа туз, харажатларни жадвал қилиб бер, оддий ўзбек тилида ёз."
Яна икки усул: битта намуна беринг ("мана шу услубда ёз") ва бир уринишда тўхтаманг, суҳбат орқали яхшиланг.
Хато тушунча: "махсус сеҳрли сўзлар керак" ёки "AI фақат инглизчани тушунади". Сеҳрли сўз йўқ, аниқлик бор. Бугунги моделлар ўзбек тилини анча яхши тушунади. Мураккаб техник ишларда эса инглизчада ҳам синаб кўринг.